Baheya Center received the highest accreditation for healthcare quality (JCI) in the world in 2021.And renewed for the second time in 2024 for extra three years
مصر وشها حلو أوي عليا، البلد دي جميلة وناسها أجمل أول ما أدخل بهية الكل بيندهلي يقولي "بنت النيل" المحاربة أميرة عباس. من السودان إلي القاهرة، جاءت أميرة عباس – بنت النيل – إلى بهية بحثا عن فرصة للعلاج، بقدر خوفها من
رحلة العلاج المريرة بقدر ما كانت بهية سند وخير معين.
تقول أميرة: "أنا جيت في ظروف مرضي وكنت قلقانة وجاية اتطمن بعد ما شفت إعلانات بهية على التلفزيون، بس صدقوني دي كانت من أجمل فترات حياتي، هنا تعرفت على محاربات ومتطوعين وأطباء، الجميع يسعى جاهدا لأن يرسم البسمة على شفاهك، هنا تعرفت عن قرب على المحبة غير المشروطة". توضح "أميرة" أن الدعم النفسي مثل لها سبيلا للحصول علي الطاقة لمواصلة الرحلة، قائلة: "لما عرفت أني هاخد علاج كيماوي خفت بس الدعم النفسي كان في ضهري والحمد لله الفترة دي عدت على خير، العلاج في بهية منظم ودقيق جدا، خدت فرصتي في العلاج من غير واسطة أو معارف، كنت ومازلت حاسة أني من أهل البلد، مفيش فرق بيني وبين غيري".
تختتم بنت النيل حديثها: "من الصدف الحلوة كمان أن بنتي خدت أجازة وجت مصر تشوفني علشان العلاج واتجوزت مصري وبقينا عايشين هنا".
